Aldri har vi sett kyrkja i eit slikt lys og aldri har vel musikken vore så mektig og variert som på konserten med Hanne Krogh. Dei to songkora Samklang og Stjernegnisten var dyktige og gjennomførte konserten med glans! TUSEN TAKK FOR AT DE STILTE OPP!!  Mykje arbeid ligg bak, mange økter med øving. Mange var både spente og nervøse, Går dette bra?

Men det var verdt strevet, det tyder alle tilbakemeldingar på!

Sjeldan har vel juleevangeliet vore framstilt på ein slik jordnær og fin måte. Hanne Krogh hadde ein fantastisk måte å binda det heile saman på, både i ord og toner. Ho hadde med seg dyktige musikere:

Å høyra tenoren Torstein Sødal si mektige røyst i bl.a. ”O, helga natt” måtte vekkja kjensler hjå dei fleste! Tarjei Nysted imponerte både på fiolin og andre instrument og kapellmester Stein Austrud styrte det heile.

Fleire lokale solistar fekk også delta med fin song.

Alle som var i kyrkja denne kvelden, fekk gå ut i desembermørket etter ”Deilig er jorden”- i ettertanke over julas viktige bodskap og forhåpentligvis ei god oppleving rikare!

Herdla sokneråd